Sunday, January 09, 2011

ခွင့်လွှတ်ခြင်း အတတ်ပညာ

ကျွန်တော်ကတော့ ဆရာသမားရဲ့ ဂုဏ်ကျေးဇူးကြောင့် အတော်ကို ခွင့်လွှတ်နိုင်တယ်။
ခွင့်လွှတ်ခြင်းကို အခြေခံ ပြန်စဉ်းစားကြည့်ရင်တော့လည်း နားလည်ပေးတဲ့ သဘောပါပဲ .. ..
“သြော် – ကိုယ် ခွင့်လွှတ်ရမယ့် ပုဂ္ဂိုလ်တွေ အားလုံးဟာ သူတို့က နားမလည်လို့ အဲဒီလို လုပ်ကြတာပဲ” လို့ ကိုယ်က နားလည်ပေးလိုက်တာပေ့ါနော်။ ဒီတော့ နားလည်ပေးခြင်းဟာ ခွင့်လွှတ်ခြင်းပါပဲ။
တစ်ခါ တစ်ခါကျတော့လည်း – ဥပေက္ခာပြုရတယ် .. .. ဒါလေးတော့ အကြံဥာဏ်ယူပါ။
တစ်ခါ တစ်ခါကျတော့ သူတို့ကို ၀င်စားလို့ မရဘူး၊ ၀င်စားတိုင်း ခွင့်မလွှတ်ချင်အောင် ဖြစ်တယ်၊ ဒီတော့ မ၀င်စားနဲ့ – ဒီတော့လည်း ခွင့်လွှတ်သွားတာပါပဲ။
ဒီတော့ ခွင့်လွှတ်ခြင်း အတတ်ပညာမှာ -
• နားလည်ပေးရတယ်၊
• ဥပေက္ခာပြုရတယ် (လစ်လျူရှုရတယ်)
• နောက် ကိုယ့်ဖာသာ နေတတ်ရတယ် ပေါ့။
ခေတ်ကြီးကလည်း သိတယ်လေ – ဥပမာဆိုကြပါစို့ —- မိမိဆိုရင် အသက်တော်တော်ရပြီ။ အခု နောက်တက်တွေ ဆိုရင် သူတို့ခေတ်နဲ့ သူတို့အယူအဆနဲ့ သူတို့ တိုးတက်လာတာ၊ ကိုယ်ကလည်း ကိုယ့်ခေတ်နဲ့ ကိုယ့်အယူအဆနဲ့ ကိုယ်က ချိုးကပ်လာတာ။ ဒီတော့ သူတို့လုပ်တဲ့ လုပ်ငန်းတွေကို ကိုယ်က လက်မခံနိုင် စရာတွေ အများကြီး တွေ့နိုင်တယ်။ ဒါပေမယ့် နားလည်ပေးလိုက်တယ် .. .. “သြော် – သမိုင်းကြောင်းမှာ ဒီလိုပဲ ရှေ့သွားတွေရှိတယ်၊ နောက်လိုက်တွေရှိတယ် – နောက်လိုက်တွေက သူတို့ထင်ရာ ဗောက်ချီးတွေ လုပ်ချင် လုပ်မှာပဲလို့ ကိုယ့်ဘက်က မြင်နိုင်တယ် သို့သော်လည်း နားလည်ပေးလိုက်တယ်။”
တစ်ချို့ဟာကျတော့လည်း အကြောင်းကို မပြုတော့ဘူး၊ ဥပေက္ခာကို ပြုလိုက်တယ်၊ လစ်လျူရှုလိုက်တယ်၊ ထည့်ကို မစဉ်းစားတော့ဘူး အဲဒါလည်း ခွင့်လွှတ်တာပါပဲ။
ဒီတော့ လူတိုင်းဟာ ခွင့်လွှတ်ခြင်း အတတ်ပညာတော့ ရှိထားဖို့လိုတယ်၊ ဘာဖြစ်လို့လည်းဆိုတော့ လောကကြီးဟာ ကိုယ့်ကျေနပ်တဲ့ ဖြစ်ရပ်တွေချည်း ဖြစ်လာမှာ မဟုတ်ဘူးလို့ဘဲ အခြေခံအားဖြင့် ခံယူထားရမယ်။ ထပ်ပြောပါမယ် .. .. “လောကကြီးရဲ့ ဖြစ်ရပ်တွေဟာ ကိုယ်လက်ခံနိုင်တဲ့ ကျေနပ်စရာ ဖြစ်ရပ်တွေချည်း ဖြစ်လာမှာ မဟုတ်ဘူး။ ကိုယ် မကျေနပ်တာတွေ ကိုယ်လက်မခံနိုင်တာတွေ၊ အများကြီး၊ သူ့အကြောင်း သူ့အကျိုးနဲ့ တိုက်ဆိုင်သလို ဖြစ်မှာပဲ” ဒီတော့ ဒါကို နားလည်ပေးခြင်း၊ ဥပေက္ခာ ပြုခြင်း၊ လစ်လျူရှုခြင်းဟာလည်း ခွင့်လွှတ်ခြင်း တစ်မျိုးပါပဲ။
နောက် ကိုယ့်ဖာသာ နေတတ်ခြင်း ဟာလည်း ခွင့်လွှတ်ခြင်း တစ်မျိုးပါပဲ။
တစ်ချို့ ကိစ္စတွေမှာ ကိုယ့်ဖာသာကိုယ် နေတတ်ရတယ်။ နေတတ်အောင်လည်း နေရတာပဲ – ဘယ်နှယ့် လုပ်မလဲ .. .. မြတ်စွာဘုရား မိန့်တယ်လေ “အတ္တကိဠာမထ နိယော” (အတ္တကိဠာမထ) – ဆိုတာ “ကိုယ့်ကိုယ်ကို ဒုက္ခဖြစ်အောင် မလုပ်ရဘူး” – ဒီတော့ ဒါကို ၀င်စားရင် – ကိုယ့်ကိုယ်ကို ဒုက္ခဖြစ်နေတယ်ဆိုရင် ဒါကို မ၀င်စားပဲ နေရမှာပဲ။ မ၀င်စားခြင်းဟာ လစ်လျူရှုခြင်း၊ လစ်လျူရှုခြင်းဟာ ဥပေက္ခာပဲ၊ ဥပေက္ခာဆိုတော့ အကြောင်း မပြုတော့ဘူးပေါ့။ ဒီလိုနည်းအားဖြင့်လည်း လောကကြီးကို နားလည်ပေးနိုင်တယ်၊ ခွင့်လွှတ်ပေးနိုင်တယ်။
ဒီတော့ ခွင့်တော့လွှတ်တတ်ရမယ်။ ဒါပေမယ့် တစ်ချက် တစ်ချက်မှာ ခွင့်လွှတ်တာနဲ့ ဆုံးမတာကတော့ မတူဘူး။ ခွင့်လွှတ်ပြီးတော့ ဆုံးမတာရှိတယ် – ဆုံးမတာက သူ့အကျိုးပေါ့နော် – အနာဂတ်မှာ သူဖြတ်သန်းရမယ့် ခရီးအတွက် အကျိုးအကြောင်း ရှိတယ်ဆိုရင်တော့ သွန်သင်ပေးလိုက်တာ – ဒါက သွန်သင်ပေးလိုက်တာ ခွင့်မလွှတ်နိုင်လို့ မဟုတ်ဘူး။ ခွင့်လွှတ်နိုင် ခွင့်လွှတ်နိုင်ငြားသော်လည်း - သူဟာ ဒီအတိုင်း ဆက်သွားရင်၊ သူ့ရဲ့ အနာဂတ်ခရီးဟာ ဖြောင့်ဖြူးမှာ မဟုတ်တဲ့အတွက် အဲဒီလိုလမ်းမျိုးကို မသွားရဘူးဆိုတဲ့ သွန်သင်ညွှန်ကြားချက် ပေးတာဟာ ခွင့်မလွှတ်နိုင်လို့ မဟုတ်ဘူး၊ သက်သက် မေတ္တာစေတနာ အမြော်အမြင်နဲ့ သတိပေးတာ၊ ဆုံးမတာပေါ့နော် – အဲဒီလိုလည်း ရှိပါတယ်။
ဒီတော့ ခွင့်လွှတ်ခြင်း အတွက်ကတော့ မိမိကထောက်ခံတယ် – ခွင့်လွှတ်ခြင်း အတတ်ပညာကို လေ့ကျင့်ထားပါ။ ခွင့်လွှတ်နိုင်ရမယ်၊ သို့သော်လည်း ဘယ်သူ့ကိုမှ မဆုံးမရဘူးလို့ မိမိ မပြောလိုပါဘူး။ ကိုယ့် အကြောင်းအကျိုး ပတ်သက်တဲ့ ပုဂ္ဂိုလ်တွေကို ဆုံးမပိုင်ခွင့် ရှိပါတယ်၊ ဆုံးမခြင်းဟာ ခွင့်မလွှတ်နိုင်လို့ မဟုတ်ဘဲ၊ အကျိုးအကြောင်း အဆိုးအကောင်းကို နားလည်သိတတ်စေချင်လို့ မေတ္တာစေတနာ အမြော်အမြင်နဲ့ ဆုံးမတာလို့ပဲ အဓိပ္ပာယ်ဖွင့်လို့ ရကြောင်း ဆိုလိုပါတယ်။


မူရင်းရေးသားသူ
ဗုဒ္ဓစာပေဆုရ
ဒေါက်တာချစ်ငယ်(ဒဿန)

Friday, October 01, 2010

သတိရမိတဲ့ ဖေဖေ

စိတ်ထဲမှာ လည်း အလျင်လိုနေသည်။ အိမ်ကို အမြန် ပြန်ရောက်ချင်လှသည်။ ထို့ကြောင့် လေယာဉ်ရောက်ရောက်ချင်းပင် ရှေ့ဆုံးမှ ထွက်နိုင်ရန် ထိုင်ခုံမှ စောစောထ၍ ရှေ့ဆုံးမှ ထွက်နိုင်ရန် ကြိုးစားရလေသည်။ လေယာဉ်ထဲမှ ထွက်ထွက်ချင်း စိတ်က လောနေလို့လား မသိဘူး အင်မီဂရေးရှင်း တွင် ရှေ့ဆုံးမှ ရောက်အောင် အသော့နှင်ရလေသည်။ ၂ နှစ်ကျော်ကျော်လောက် ခွဲခွာခဲ့ ရသော ဖေဖေ နှင့် မေမေ့ ကို တွေ့ချင်လွန်းလှလေပြီ။ " ဝှူး " ခုမှပဲ အပြင်ရောက်တော့တယ်။ မေမေ့ကို တွေ့တွေ့ချင်း ပြေးဖက်မိလေသည်။ မေမေတို့ နေကောင်းတယ်နော် သားပြန်လာပြီလေ အမေ။ အမေ့မှာ ဝမ်းသာလွန်းလှ သဖြင့် မျက်ရည်ကျမိလေ သည်။
" အမေ "
" သား ပြောလေ "
" အဖေ ကောဟင် "
"...... "
ဘာမှ မပြောပေ
ခဏနေမှ
" မြို့ထဲကို ကိစ္စ ရှိလို့ သွားတယ် သား "
သိပ်တော့ ဘဝင်မကျချင် လှပေမဲ့ ဘာမှမပြောတော့ပေ။
သြော် ၂ နှစ်ကျော်ကျော် ခွဲခွာလာရတဲ့ ရန်ကုန် မြို့ ကြီးရဲ့ ရှု့ခင်းတွေကို ငေးကြည့်ရင်း ကိုယ်နေခဲ့တဲ့ မြို့သစ်လေး ဆီကို ရောက်လာခဲ့ပါပြီ။ အိမ် ပြန်ရောက်ရောက်ချင်း ညီအငယ်နဲ့ တူမ နှစ်ယောက်က သူတို့ အတွက် ဘာပါမလဲ ဆိုပြီး ခရီးဆောင်အိပ် တစ်လုံး နဲ့ အလုပ်ရှုပ်နေကြလေရဲ့။
" သား ခဏနားလိုက် အုံးနော်၊ ပြီးမှ ရေမိုးချိုးပြီး အနားယူပေါ့ ဟုတ်ပြီလား "
" ဟုတ်ကဲ့ မေမေ "
ရေမိုးချိုးပြီးတော့ အဖေ့ကို သတိရလို့ ထပ်မေးမိတယ်။ " အမေ၊ အဖေ ဘယ်ကို သွားတာလဲဟင်၊ ဘယ်တော့ ပြန်ရောက်မှာလဲ " ဆိုတော့ အမေ ဘာမှ ပြန်မပြောပါဘူး။ ခဏနေတော့ မေမေ ဓာတ်ပုံ တစ်ခုကို ယူလာပြတယ်။ ဓာတ်ပုံကို ကြည့်လိုက်တော့ ကျွန်တော့် မျက်လုံးတွေ ပြာဝေခဲ့ရတယ်။ တကယ်ကို မယုံနိုင်အောင် ဖြစ်ခဲ့ ရပြီလေ...။ အဖေ ထာဝရ အိပ်စက် သွားပါပေါ့လား.... အဖေရယ် သားပြန်လာအောင်တောင် မစောင့်နိုင်တော့ဘူးလား အဖေရယ်..... ။
" အမေတို့ သားကို ဘာဖြစ်လို့ မပြောရတာလဲ" လို့ မေးမိရက်သား ဖြစ်သွားသလားတောင် မသိတော့ပါဘူး။ "သားကို ပြောမလို့ပါပဲ သားရယ်" သားလည်း ပြန်လာခါနီး ဖြစ်နေတာရယ်၊ ပြီးတော့ သားရဲ့ အလုပ်မှာ စိတ် အနှောက်အယှက် ဖြစ်မှာစိုးလို့ အမေတို့ မပြောတာပါ" ။ အို.... အမေ့မှာလည်း မျက်ရည်တွေနဲ့ ပါလား ၊ ဟုတ်မှာပါလေ သားကို စိတ်မထိခိုက်စေချင်လို့ ဖြစ်မှာပါ။ " သြော် လောက သင်္ခါရ ရဲ့ သဘော တရား အရ အဖေ မလွန်ဆန်နုိင်လို့ သားပြန်လာတဲ့ အထိတောင် မစောင့် နိုင်တော့ပါလား....
အဖေ ဆုံးပါးသွားတာ ၂ နှစ်တောင် ပြည့်သွားပြီ ...။ ဒီတစ်ခေါက်တော့ သားမှာ မျှော်လင့် စရာ အဖေ မရှိတော့ ဘူး...။

Sunday, September 12, 2010

လူပျိုကြီးများရဲ့ အားသာချက်..

အဟမ်း..
ပြောရမယ် ဆိုရင်ပေါ့လေ

၁။ ရည်းစား ဖောဖော သီသီထားနိုင်ခြင်း

၂။ ကိုယ်ရှာသမျှ ပိုက်ဆံသည် ကိုယ့်အတွက် သာဖြစ်ခြင်း

၃။ စားဝတ်နေရေး အတွက် အထူးပူပန်မှု မလိုခြင်း

၎။ သူငယ်ချင်းများနှင့် အချိန်မရွေး တွေ့ခွင့်ရခြင်း

၅။ ဘီယာ၊ အရက်တို့ကို စိတ်ကြိုက် သောက်သုံးခွင့် ရနိုင်ခြင်း

၆။ နားပူ သက်သာခြင်း

ရ။ တစ်ယောက်ထဲ အိပ်ခွင့်ရသဖြင့် အပူအအိုက် သက်သာခြင်း

၈။ မိန်းမ၏ ဟောက်သံ ပြင်းပြင်းနှင့် အတူ အိပ်ရခြင်းမှ ကင်းဝေးခြင်း

၉။ စိတ်ကောက် စိတ်ဆိုးမည့်သူ မရှိသဖြင့် စိတ်ရှုပ်သက်သာခြင်း

၁၀။ ( မောင် စောစောပြန်လာနော် ဘယ်မှလျှောက်မသွားနဲ့ )ဟု ပြောဆို ချုပ်ချယ်ခံရခြင်းမှ သက်သာခြင်း

၁၁။ မိန်းမ၏ သဝန်တိုမှုကြောင့် ရန်ဖြစ်ခြင်းမှ ကင်းဝေးခြင်း

၁၂။ မိဘ ကို စိတ်ကြိုက်ချစ်ခွင့် ရခြင်း

၁၃။ စိတ်ထဲရှိသလို နေထိုင် နိုင်ခြင်း

၁၄။ စိတ်တိုင်းကျ လေပုပ်ထုတ်နိုင်ခြင်း

၁၅။ မနက်မျက်နှာ လုသစ်စရာမလိုခြင်း

၁၆။ ရေလုချိုးစရာ မလိုခြင်း

၁၇။ အိမ်သာ ရေချိုးခန်းတို့ကို စိတ်တိုင်းကျ တစ်ယောက်ထဲ အသုံးပြုခွင့်ရခြင်း

၁၈။ သနပ်ခါး သွေးပေးစရာ၊ လိမ်းပေးစရာ မလိုခြင်း

၁၉။ ချီမ သယ်ပိုး စရာမလိုခြင်း

၂၀။ မိမိကို မနှစ်သက်တော့၍ ထားခဲ့မှာ မပူရ ခြင်းတို့ ဖြစ်ပါတယ်...


စဉ်းစားမိတာပေါ့နော... ဖြတ်ညှပ် ကပ်လည်းပါတယ်..........

Saturday, August 28, 2010

အာဒံ နဲ့ ဧဝ

ဟိုကမ္ဘာဦးအစက အောင်လံနဲ့ အင်းဝ ( အဲ မွှားလို့ ) အာဒံ နဲ့ ဧဝလေ သိတယ်ဟုတ်.......
သူတို့ နှစ်ယောက် ကို ဘုရားသခင် ဖန်ဆင်းပေးတယ်တဲ့..... ဟုတ်လားတော့ မသိဘူး... ဟုတ်တယ်လို့ ပြောကြတယ် ဘယ်သူမှတော့ တိတိကျကျ မသိဘူးပေါ့လေ သူတို့ နှစ်ယောက်က အဲ့လို ဖြစ်လာတဲ့ အချိန်က ကလေး ဘဝလား ဒါမှ မဟုတ် "ဗြုန်း" ဆို လူလတ်ပိုင်း အရွယ် ဖြစ်လာကြတာလား ဆိုတာကို လည်း ဘယ်သူမှ မသိကြပါဘူး...သူတို့ နှစ်ယောက် ဘာတွေ ပြောခဲ့တယ်ဆိုတာတော့ ပိုးဟပ်လေး သိတယ်... ကဲကဲ အားလုံးပဲ သိချင်ကြမှာပေါ့.....

သူတို့ ကို ဖန်းဆင်းလိုက်တုန်းကတော့ ယောက်ျားရယ် မိန်းမရယ်လို့လဲ မဟုတ်ဖူးတဲ့... ပြီးတော့ သူတို့ကို မြန်မာပြည်မှာ မွေးလိုက်တာလေ တစ်နေရာထဲမှာ ဖန်ဆင်းပေးလိုက်တာ မဟုတ်ဖူး ... အာဒံ လေးကို ဖန်ဆင်း လိုက်တဲ့ မြို့ကို အာဒံမြို့လို့ အစွဲ ပြုခေါ်နေရာကနေ အောင်လံ မြို့ဆိုတာ ဖြစ်လာတယ်... ဒီလိုပဲ ဧဝ ကို ဖန်ဆင်းလိုက်တဲ့ မြို့လေးကို ဧဝမြို့လို့ အစွဲပြုခေါ်ရာ ကနေ အင်းဝမြို့ ဆိုပြီး ဖြစ်လာတယ်လေ... ပြောရမယ်ဆိုရင် အညာသူ အညာသားတွေပေါ့... အာဒံ ရောက်ရှိရာ အရပ်မှာ ပန်းသီးပေါတယ်လေ॥ ဒါပေမဲ့ အဲ့ ပန်းသီးက စားလို့ မရတဲ့ အသီး ဖြစ်နေတယ် ... သူကလည်း ဗိုက်က တစ်အားဆာနေတာနဲ့ ဘာဖြစ်ဖြစ်စားမယ်ကွာ ဆိုပြီး စားလိုက်တာ သူက မစားတတ်တော့ အလုံးလိုက် မျိုချတာပေါ့...ကံဆိုးချင်တော့ လည်ချောင်းမှာ တစ်ဆို့ သွားခဲ့တယ်၊ ကံကောင်းချင်တော့ ပန်းသီးက သုံးဆိပ် ကွဲသွားခဲ့တယ် တစ်ဆိပ်က လည်ပင်းမှာ တစ်ဆို့ ကျန်နေခဲ့ပြီး ဘယ်လိုမှ ထုတ်လို့ မရတော့ဘူးတဲ့... ကျန်တဲ့ နှစ်ဆိပ်ကတော့ ဘယ်ရောက်သွားလဲဆိုတော့ သူလဲ မသိဘူး.... နောက်တော့ လမ်းလျှောက်ရတာ အဆင်မပြေဖြစ်လာတယ်လေ...နောက်တော့ ကျန်တဲ့ ပန်းသီး နှစ်ခြမ်းပဲ ဆိုပြီး သတိပြုမိလာတယ်.... ပြီးတော့ ရှက်တတ်တဲ့ အရွယ်ရောက်တော့ သစ်ပင် အရွက်တွေကို အဝတ်အစား သဖွယ် ပြုလုပ်ပြီး ဝတ်ဆင်လိုက်တယ်...
နောက်တော့ ပန်းသီး အစိတ်အပိုင်းလေးတွေ က သေးငယ်တဲ့ အရွယ်ကို ရောက်ရှိသွားပြီး လမ်းလျှောက်ရတာ အဆင်ပြေလာတယ်.... ဒါကတော့ အာဒံရဲ့ ပြောပြချက်ကို ပုံဖော်ကြည့်တာပေါ့နော....

ကဲဧဝ အလှည့်ပေါ့နော်... ခက်တာက ကျွန်တော်က ယောင်္ကျားလေး ဖြစ်နေတော့ ဧဝက ဘာမှ ပြောမပြဘူးဗျ... ထားပါတော့လေ... ပရိတ်သတ်လည်း မသိချင်ပါနဲ့တော့ ကျွန်တော် လည်းဆက်မမေးထားလိုက်တော့ဘူးလေ..

သူတို့ နှစ်ယောက် အဖော်ကင်းမဲ့နေကြလေတော့ ရောက်တတ်ရာရာ လျှောက်သွားနေရင်းက တစ်ယောက်နဲ့ တစ်ယောက် တစ်နေရာရာ မှာတွေ့ကြတယ်... အဲ့နေရာကိုတော့ ဆုံဆည်းရာလို့ပဲ တွင်သွားတယ်။ သူတို့ နှစ်ယောက်တွေ့တော့ ဘာဖြစ်ကြတယ် ထင်လည်း "ဟင်" တွေ "ဟာ" တွေ ဖြစ်ကုန်တာပေါ့။ "ငါ့လိုပဲဟ" (ဘာသာပြန်ကြည့်သည်
)။ မတ်တတ်ကြီး လမ်းလျှောက်နေတယ်။ သိတော့ သိနေတယ်လေ သူတို့ နှစ်ယောက် ဘာပြောရမှန်း မသိသေးဘူးပေါ့ ဟဲဟဲ ဘာသာ စကားမှ မရှိသေးတာ...။ ဒါနဲ့ သူတို့ ဘာဆက်ဖြစ်ကြလဲဆိုတော့ ...........

မနက် ၅ နာရီခွဲလို့ Alam ထမြည်လာလို့ လန့်နိုးလာခဲ့တယ်...။။

Friday, August 20, 2010

ဟန်ချက် မညီသော အိမ်ထောင်ရေးများ

အချစ်သည် မျက်စိမရှိဟု ဆိုကြသည်။သို့ သော်မျက်စိမရှိသည်နှင့်အတူ ဆင်ကန်းတောတိုးအလဲလဲ အမှားမှား ဒုက္ခရောက်တက်သည်ကို သတိထားရ၏။ အချစ်တွင် ဂုဏ်ပကာသနမရှိ အဆင့်အတန်းကွာ ခြားမှု့ မရှိ ဘုရင့်သမီးတော်လည်း ဒွန်းစဏ္ဏားကို ချစ်နိုင်သည်ဟု ဆိုကြသည်။မှန်သည် ထိုအချစ်ကို အကြောင်းပြု၍ ဘုရင့်သမီးသည် ဒွန်းစဏ္ဏား နှင့် အိမ်ထောင်ပြုလျှင် အချစ်ကိုရသကဲ့သို့  ဒွန်းစဏ္ဏား၏လူမှု့ ရေး ဒုက္ခများကိုလည်း ခံစားရမည်။ ရင်သွေး သားသမီး အကျိုးဆက်များ သက်ရောက်သောအခါ ကြေကွဲ ၀မ်းနည်းစရာများ ဆက်တိုက်ပေါက်ဖွားလာတက်၏။
ထိုအခါ အချစ်အတွက် ကျေနပ်ရမှု့ နဲ့ အတူ လူမှု့ ရေးအတွက် ကြေကွဲရမှု့ များကိုလည်း ပှုးတွဲခံစားရလိမ့်မည်။အချစ်သွေး ဆူပွက်နေစဉ်မှာ ဆင်ခြင်နိုင်စွမ်း မရှိသော်လည်း တစ်သက်တာရင်ဆိုင်ရသောအခါ နောင်တဖြစ်တက်သည်။ထိုအခါ မှုလက ကြီးမြတ်သည်ဟု ကထင်ကြီးထင်ခဲ့သော အချစ်ကိုပင် နာကျည်းစရာဟု စိတ်ပျက်စရာဟု ထင်မိတက်လာကြသည်။နှလုံးသားကို ဦစားပေးလွန်းသည်။အချစ်သက်သက် တစ်ဖက်သက်အမြင်သည် အိမ်ထောင်ရေးတွင် ဟန်ချက်မညီဖြစ်တက်သည်။
ထိုနည်းတူ အချစ်ကိုပြစ်ပယ်၍ စားဝတ်နေမှု ပြည်စုံရေးကိုသာ အဓိကထားသော အိမ်ထောင်တစ်ချို့ မှာလည်း ဟန်ချက်မညီဖြစ်တက်သည်။အချို့ သောမိဘများသည် သားသမီး၏ နလုံးသားရေးရာကို ပြစ်ပယ်၍ ဗီဒိုအာဏာ သုံးတက်ကြသည်။
“ချစ်တာတွေ မချစ်တာတွေ လုပ်မနေနဲ့ ၊လင်နဲ့ မယား ဆိုတာ ညားပြီးလို့ အတူနေရင် ချစ်သွားကြတာပဲ။ဟိုမှာက စိန်နဲ့ ၊ရွေနဲ့ ၊တိုက်နဲ့ ၊ကားနဲ့ ၊ငါတို့ ကတော့ ဇိကုပ်ပြီးနတ်ပြည်တင်ရမှာပဲ” ဟူသောစကား များဖြင့် အတင်းအကျပ်စီမံ တက်ကြသည်။
ဂုဏ်နှင့် ပကာသနနှင့် အဆင့်အတန်းမြင့်သော အိမ်ထောင်တစ်ခုတော့ ဖြစ်လာပါ၏။စားဝတ်နေရေးလည်း မပူမပင် မကြောင့်မကျ ပြည့်စုံပါ၏။ သို့ သော်ထို အိမ်ထောင်မျိုးတွင် စိန်၊ရွေ၊ငွေ လူမှု့ ရေးလိုအပ်ချက်များ အားလုံးပြည့်စုံပါသည်။မပြည့်စုံတာက မေတ္တာတရား ဖြစ်နေတက်သည်။သားသမီးများ တစ်ယောက်ပြီးတစ်ယောက် တိုးလာကြသော်လည်း အိမ်ထောင်ရေးသုခဆိုတာ ဘာမှန်းမသိဖြစ်နေတက်ကြပါသည်။ရွှေဘုံပေါ်မှာ စံစားနေရသော်လည်း တဲအိုပျက်လောက်မှတောင် ကြည်နှုးစရာမကောင်း ဟူသောအတွေးများဖြင့် တစ်ဆွေးဆွေးတစ်သသ ခံစားရတက်သည်။ မေတ္တာအခြေခံ မပါ၍ သူ့ ဖက်ကိုယ့် ဖက်မာနတွေပြိုင်ရင်း စိတ်ဆင်းရဲကြသည်။
ထိုသို့ သော အိမ်ထောင်ရေးတစ်ခုတွေ့ ကြုံဖူးပါ၏။
“ ဂုဏ်ခြင်း ထက်မြတ်သည်”
ဟုမိဘများက ဇွတ်အတင်းပေးစားထားခြင်းဖြစ်သည်။အိမ်ထောင်ရေး ဆယ်နှစ်ကျော်ကြာသည့်အထိ လင်မယား ထမင်းလက်ဆုံမစားဘူးပါ။ကလေးကတော့ နှစ်ယောက်ရခဲ့ပြီ။ စကားပြောလျှင် မေတ္တာမပါ။သူ့ ဖက်ကိုယ့်ဖက် မာနသံတွေ တက်နေကြသည်။ငွေကြေးဓနက်ု အခြေခံ၍ အိမ်ထောင်ပြုခဲ့သောကြောင့် စကားပြောတိုင်းငွေသံကြေးသံ တစ်ချွင်ချွင်မြည်နေသည်။
“ မင်း ဒါမျိုးသုံးဖူးရဲ့လား”
“ ရှင် တို့ အိမ်မှာ ဒါမျိုးမြင်ဖူးရဲ့လား ”
ဟူ၍ူ နှိမ်ပေါက်နှင့် ပြောဆို မေးမြန်းကြသည်။
တစ်နေ့ တွင် အိမ်ရှင်မက ပျော်ပျော်ပါးပါး အိမ်မှာ စားရန်အုန်းနို့ ကျောက်ကျောလုပ်သည် ကလေးများမှာစားရခါနီးဖြစ်၍ အုန်းနို့ ကျောက်ကျောကို လင်ဗန်းကို ကြည့်ပြီးပျော်နေသည်။ထိုအချိန်တွင် ဘေးနားကိုရပ်ပြီးလာကြည့် သောယောင်္ကျားကို အိမ်ရှင်မက..
“ ရှင် တို့ အိမ်မှာ ဒါမျိုးစားဖူးရဲ့လား ”
“ ငါတို့ အိမ်မှာ ဒါမျိုး ခွေးကျွေးတာကွ”
“ သြော် ဒါဖြင့် ရှင် ကြိုက်တဲ့ အစာကိုး ရော့ရော့ စားစား” ဟုလင်ဗန်းကို ယောက်ျားရှေ့ ချပေးလိုက်ရာ ယောက်ျားက
“ကဲကွာ” ဟုဆိုပြီး လင်ဗန်းကိုခြေထောက်ဖြင့် ကန်ပစ်လိုက်သည်။ကျောက်ကျောလင်ဗန်းမှောက် ၍ လင်မယားရန်ဖြစ်ကြသည်။ကလေးများလည်း စားရခါနီးမစားရ ၍ စိတ်မကောင်းဖြစ်ကြရသည်။
သူတို့  လင်မယားကြားမှ မေတ္တာတရားသည် အေးမြမှု့ ၊ကြည်နှုးသာယာမှု့ တို့ ကို မခံစားရ၍ ဒေါသမောနများဖြင့်သာ ပူလောင်ခဲ့ကြသည်။အကြောင်းပါ၍ အကြာပေါင်းခဲ့ရသော်လည်း ချစ်မေတ္တာ ဖြစ်မလာပဲ နစ်နာစရာတွေသာတိုး၍တိုး၍ လာခဲ့သည်။ကလေးများ၏ မျက်နှာကိုထောက်၍ မကွဲနိုင် မကွာနိုင် ကြသော်လည်း နှလုံသားခြင်းက ဂေး၍ ဂေး၍ လာခဲ့သည်။
နောက်ဆုံးတွင်လင်ဖြစ်သူက အပြင်မှာအပျော်ရှာ၍ အငယ်အနှေင်းထားသည်။လင်မယားနေ့ စဉ်ျတစ်ကျတ်ကျတ်ရန်ဖြစ်ကြသည်။မယာဖြစ်သူမှာ မျက်ရည်နှင့် မျက်ခွက်ဖြစ်ရသည်။ ဇိကုပ်နတ်ပြည်တင်သော မိဘဆွေမျိုးများကိုပါ ..
“ငါ့ကို ငရဲပြည်ပို့ ကြသည်” ဟုစိတ်နာလေသည်။
အိမ်ထောင်ရေးတွင် စားဝတ်နေေ၇း ပြည့်စုံရန်လိုအပ်သည်မှာမှန်ပါသည်။သို့ သော်မေတ္တာ ကိုအခြေခံမထားပဲ စားဝတ်နေရေးနှင့် ဂုဏ်ပကာသန သက်သက်ကိုသာ တစ်ဖက်သက်ကြည့်လျှင်လည်း ဟန်ချက်မညီဖြစ်တက်ပါသည်။
ထို့ကြောင့် ထို့ကြောင့် အိမ်ထောင်ရေး အဆင်ပြေ သာယာဝပြောမှု ရှိကြစေရန် ရည်ရွယ်၍......
မေးလ်ထဲ ရောက်လာတာလေးမို့ သဘောကျ ၍ မပြောမဆို ကူးယူ တင်ပြထားပါကြောင်း .... ဝန်ခံ အပ်ပါသည်။

Sunday, August 01, 2010

နဂါး ပုံပြင်




ကြွက်ကို နဂါးချီ
သူလည်းမစား
သယ်ချီကာသွား
ကျားရှေ့အရောက်
သယ်ဆောင်ကာသွား
ပြီးသော် ပစ်ချ ကြွက်ဘဝ
ခုတော့ ကျားစာ ဖြစ်လေပြီ
နဂါးနဲ့ ဆင်
လယ်ပြင်မှာတွေ့
ဆင်ကို ချီသော်
ခွန်အားမမျှ နဂါးဘဝ
ဆင်၏ခြေရင်း ပြားပြားဝပ်၍
မှောက်ရလေပြီ
သြော်.... သနားစရာ
နဂါးသတ္တဝါ ပါတကား



Saturday, July 24, 2010

မေမေ့မေတ္တာ မမေ့သာ

သားသားလေးကို ဖုန်းဆက်ကာ
သီတင်းမေးလေရှာ
နေထိုင် ကျန်းမာ သာပါစ
မေမေ စိတ်မချ
သားသားစားဖို့ ကြော်ကာလှော်
ငါးခြောက်ငါးခြမ်း နော်
လူကြုံကရှိ ဝမ်းသာဘိ
မေမေ့မှာ ပီတိ
စားပါ စားပါ ငါ့သားရယ်
မေမေ ပီတိသွယ်
မိဝေးဖဝေး ငါ့သားလေး
မေမေ့မှာ ရင်လေး
နောင်များလိုရင် မှာပါအင်
မပင်မပန်းပင်
ကြော်ကာလှော်ကာ ချက်မယ်ပ
ငါ့သား အတွက်ဟ
သားသားလေးမှာ စိတ်ချမ်းသာ
ပီတိဖြစ်လို့သာ
ပြန်လည်ကာလေ သားဆုတောင်း
မေမေ မာစေကြောင်း